Ein av dei døde i Oslo var frå Kvinnherad

Kåre Arvid Hesvik fødd i 1962 var ein av dei som døde under skytinga på utestaden Per på hjørnet i Oslo natt til laurdag.

Namnet til dei to som mista livet under terroråtaket i Oslo natt til laurdag er nyleg offentleggjort. Kåre Arvid Hesvik, oppvaksen i Mauranger, fødd i 1962, var ein av dei som vart drepne i det som blir sett på som eit terrorårak mot Pride-markeringa som fann stad i Oslo i helga.

Politiets sikkerhetsteneste har karakterisert åtaket som ei ekstrem islamistisk terrorhandling. Laurdag la ordførar Hilde Enstad ut melding om at Kvinnherad kommune kom til å flagga med Pride-flagget helga gjennom, i støtte og sympati med alle dei som vart råka av angrepet i Oslo.