Ein auke i brot på arbeidsmiljølova
LOs sommarpatrulje har i perioden 27. juni til 12. juli reist rundt å undersøkt arbeidsforholda til fleire hundre unge arbeidstakarar i Vestland. Diverre ser dei ei auking i brot på arbeidsmiljølova.
Publisert
Sist oppdatert
Kvart år sidan 1985 har LOs sommarpatrulje besøkt unge i sommarjobb. Målet er å syta for økt kunnskap om arbeidslivet sine spelereglar. Tysdag 5. juli vitja dei Kvinnherad.
Patruljen har møtt mange unge som er nøgde med å ha fått moglegheita til å prøva seg i arbeidslivet, gjerne i sin aller første sommarjobb.
Annonse
– Vår oppfatning er at unge trivest på jobb, og set pris på at dei har fått verdifull arbeidserfaring, seier LOs ungdomssekretær, Egil Vestrheim i LO Vestland i ei pressemelding.
Auking i brot
Sommarpatruljen har sett ei auking i brot på arbeidsmiljølova frå 50,1 prosent i 2021, til 53,7 prosent i 2022.
– Det er overraskande at me nok ein gong ser ei auking i brot på arbeidsmiljølovas bestemmingar. Særleg gjeld dette manglande opplæring, vaktlister i tide og kameraovervåking, seier Vestrheim.
Annonse
LO er bekymra for den negative utviklinga, og ber om at både arbeidsgivarar og politikarar tek det på alvor.
– Sjølv om dei fleste fortel at dei har det bra på jobb, ser me at det er mykje slurv, og i enkelte høve meir systematisk utnytting av unge tilsette. Slik skal me ikkje ha det i arbeidslivet.
Til trass for at det er ei auking i den samla brotstatistikken, er det blitt færre brot knytta til informasjon om kven som er verneombud.
– Sjølv om me ser fleire brot, er det bra at det er nokon positive trekk ved tala, skriv LO i pressemeldinga.
