Ei rotnorsk juleframsyning
Måndag 4. desember kan store og små få med seg framsyninga av Prøysen, Snekker Andersen og julenissen.
Publisert
Sist oppdatert
Alle kjenner vel historia om snekker Andersen og julenissen som treff kvarandre på juleaftan og avgjer at dei skal dra heim til kvarandre og vere nisse.
Victoria Productions, som er Noregs største private turnèteater, har laga ein framsyning av historia som dei vil visa fram i kulturhuset på Husnes.
Annonse
«I år blir det ein merkeleg og spennande juleaftan for snekker Andersen! På veg til vedskjulet for å ta på seg julenissedrakta kolliderer han med ein annan i nissedrakt. Han seier at han er julenissen, og kanskje dei skal byte? Julenissen går til snekker Andersen sine barn og snekker Andersen til julenissen sine små», står det i ei pressemelding.
I tillegg til historia om snekker Andersen og julenissen, vil teateret innehalda mange av Prøysen sine udøyelege songar, som «Romjulsdrøm», «Musevisa» og «Julekveldsvisa».
«Vi garanterer at julestemninga vil leggja seg som eit varmt og godt teppe rundt heile familien. Og kven veit? Kanskje alle barna får treffa julenissen etter framsyninga?», står det i pressemeldinga.
