– Eg er like spent som deg

«Eg er lika spent som deg» svara einingsleiar for eininga Prosjektering og eigedom Erlend Bøyum då Grenda ringde for å spørja om det hadde skjedd noko i saka sidan sist.

– Saka har vore oppe i Plan, teknikk og miljø-utvalet, der dei har bedt om pengar til å få jobba vidare med det. Dei stilte seg positive, men den må fyrst opp i kommunestyret for å få godkjenning. Eg håpar me får koma vidare, men slik som budsjettet er no så ligg det ikkje inne pengar for å byggja ny kai, sa Bøyum.

– Me driv derimot og søkjer etter statlege midlar, så håpar me får tilslag på noko sånt. Anten må det koma inn eksterne midlar, eller så må ein revurdera budsjettet. Det må derimot bli tidlegast etter neste kvartal, men forhåpentlegvis så får me ein sak om finansieringa av han etter kvart, understreka einingsleiaren.

Bøyum fortalde vidare at han satsa på at saka vert teken opp i kommunestyret 15. februar.