– Du må berre skriva positivt, det fortener dei
– Eg og mannen og eit venepar las om plassen i Grenda, og prøvde den ut tidlegare i sommar. Me vart begeistra for staden, og tok initiativ til denne turen, fortel Jorunn Avsnes.
Publisert
Nede på plassen treff me på ein heila gjeng frå Valen som kosar seg med grillmat. Dei er ein del av dugnadsgjengen for Valebuo, og plar ha dugnad på naustet der kvar tysdag.
– Men no er me her, og her får me studert naustet til Ingemar, kjem det frå Reidar Handeland.
Annonse
Bubilverten fortel det han veit om naustet, før samtalen går over på kva som finst av tur- og fiskemogelegheiter i området.
– Det er kjekt å gjera seg kjent i eigen kommune, men kor pleier den midnattskonserten å vera, spør nokon.
Røyrane fortel om hidlarane, gruvene og gullfunn på Slagget.
Gjengen frå Valen svarer at det er slike typar bubilplassar dei føretrekkjer. Små intime plassar, der ein får kontakt med vertskapet.
Annonse
– Det er så kjekt når Ingemar og Trine kjem nedom og spør om me har det bra og om det er noko me treng. Me føler oss rett og slett sett. Du må berre skriva positivt, det fortener dei, skryt Jorunn.
Ho og mannen skal vidare på 14 dagars bubiltur, medan resten reiser heimatt.
– Overnatting på Røyrane blir ein årleg tradisjon. Me skal starta og enda sesongen her, men no skal me ha ein ny runde med hesteskokasting, seier Jorun og set strek for praten.
– Dette er seriøse greier. Me har oppnemnt både målar og skrivar, sluttar ho væpna til tennene med hestesko og konkurranseinstinkt.
