Drog plattforma i le for stormen
Etter å ha lege i Klosterfjorden i nokre dagar, vart Dolwin Epsilon slept meir i le for vinden lenger inne i Hardangerfjorden.
Omformarplattforma Dolwin Epsilon er lasta om bord i tunglasteskipet «Mighty Servant 1». Måndag la skip og plattform seg til i Klosterfjorden.
– Lasteskipet ventar på godt vêr til å ta plattforma vidare sørover til Aibel i Haugesund. Plattforma er bygt for energiselskapet TenneT, skreiv Kvinnheringen om skipet tidlegare i veka.
Artikkelen held fram under annonsen.
I følgje marinetraffic.com starta ferda frå Singapore 18. september, og skulle etter planen vore på plass i Haugesund 15. desember.
Torsdag vart det for friske vermeldingar til at «Mighty Servant 1» var komfortabel med å bli verande så nærme innløpet til Hardangerfjorden, og slepte seg inn til Ølve-landet for å koma seg ut av den verste vestavinden.