Drapssikta er varetektsfengsla i fire veker

Laurdag vart mannen som er sikta for drap på Varaldsøy varetektsfengsla i fire veker.

Klokka 10 laurdag starta fengslingsmøtet med den drapssikta mannen i 40-åra i Bergen tingrett.

Mannen er sikta for drap etter at ei kvinne vart funnen død på Varaldsøy torsdag kveld.

I dette møtet nekta mannen straffskuld. 
- Han erkjenner ikkje at det har skjedd noko form for basketak. Skadane er truleg eit resultat av eit fall, sa mannens forsvarar Jørgen Riple til BT før etter fengslingsmøtet.

Politiadvokat Eli Valheim la i fengslingsmøtet ned påstand om fire vekers fengsling med brev- og besøksforbod.

Laurdag ettermiddag melder BT at det er det retten no har landa på, og at mannen vert varetektsfengsla i fire veker med brev- og besøksforbod.