Drapssikta varetektsfengsla i åtte nye veker

– Det vert vist til tidlegare fengslingskjenningar, spesielt den grundige vurderinga av gjentakingsfaren i fengslingskjenninga frå 21. mai, skriv retten i den nye kjenninga.

Mannen vart fengsla og sikta for drap 22. april, etter at Renate Strand Normann vart funnen død i terrenget på Varaldsøy.

Seinare har varetektsopphaldet blitt forlenga, sist ved ei kjenning 16. juli. No er mannen igjen fengsla for åtte nye veker.

– Utgangspunktet er at fengslingsfristen skal vera så kort som mogleg, og ikkje gå over fire veker. Dersom særlege tilhøve seier at fornya prøving etter fire veker vil vera utan betydning, kan retten likevel setja ein lengre frist. Retten vurderer det slik at prøving av fengslingsspørsmålet om fire veker vil vera utan betydning. Retten viser i den samanheng spesielt til den kvalifiserte gjentakingsfaren, står det å lesa i kjenninga.

I si vurdering 21. mai, skreiv retten at dei ikkje la vekt på hans forklaring, der han nektar straffskuld, og peika heller på at gjentakingsfaren for alvorleg valdslovbrot var nærliggande, konkrete og reelle.

Politiet meiner at trestokk vart brukt som drapsvåpen