Drapssikta fengsla i åtte nye veker

Det kjem fram i ei kjenning frå Hordaland tingrett tysdag.

– Retten meiner at framleis varetektsfengsling i åtte veker ikkje er eit uforholdsmessig inngrep, og at framleis fengsling er tilstrekkeleg grunngjeven. Retten har ved denne vurderinga lagt vekt på alvoret i siktinga, gjentakingsfaren og forventa straff, står det å lesa i kjenninga.

Politiet meiner at trestokk vart brukt som drapsvåpen

Den drapssikta mannen har sete i varetekt sidan han vart arrestert på Varaldsøy 22. april i år. Ifølgje Bergens Tidende bestemte Hordaland tingrett 1. november at mannen skulle varetektsfengslast ut året, men mannen anka då avgjersla.

Gulating lagmannsrett forkasta anka og viste blant anna til helsejournalar. Der kjem det fram at mannen aldri har klart å kontrollera impulsiv og aggressiv åtferd, at han innimellom kjenner på sinneproblem, rapporterer å ha låg terskel for å bli sint og at han fort blir utolmodig når han ikkje føler seg forstått eller at andre er ueinig med han.

Den sikta hevdar dødsfallet skuldast ei ulukke

Vald og trugslar

Mannen vart i fjor etterforska for vald og trugslar mot ein tidlegare sambuar. Saka vart då lagt vekk etter bevisets stilling, men under drapsetterforskinga vart mannen igjen sikta for forholda.

– Retten finner at det er rimeleg grunn til å mistenka den sikta for fire konkrete forholda. Desse forholda gjeld bruk av fysisk makt mot fornærma slik at vedkomande fall og brakk handleddet, trugslar om å køyra ei saks gjennom hovudet på den fornærma og trugsel med øks ved å koma mot fornærma med øksa og deretter hogga mot den fornærma med øksa, står det å lesa i kjenninga.

Kvinne funnen død på Varaldsøy – politiet mistenker drap