Dømt til sju år fengsel for overgrep mot barn

Overgrepa skal ha funne stad frå starten av 2020, og over ein periode på nær halvanna år. Jenta var ti år då dei grove overgrepa tok til. Då mannen, som har bustadadresse i ein annan landsdel, vart arrestert, fann politiet store mengder barnepornografisk materiale på den no dømte mannen sin mobiltelefon.

Dette inkludert også bilete av den fornærma i saka, som av påtalemaktene vart brukt som bevis. Mannen med fritidsbustad i Kvinnherad skal også gjort overgrep mot ei jamaldrande venninne av den fornærma, om enn færre og i mindre alvorleg grad.

Retten la ved straffutmålinga vekt på at det er tale om gjentatte overgrep over ein periode på 16 månader, at overgrepa består dels av det retten karakteriserer som «kvalifisert seksuell omgang», at fornærma var under 10 år gammal og tiltalte var kjent med hennar alder, og at ho har i ettertid av handlingane blitt diagnostisert med posttraumatisk stressyndrom (PTSD) som ei følgje av dei seksuelle overgrepa.

Straffeutmålinga er gjort opp mot dommar i andre rettssaker av liknande karakter og omfang. Tiltalte har sete 1,5 år i varetekt, og får 3 månader strafferabatt som følgje av det. Han er også ilagt kontaktforbod, og må betala 350.000 kroner i oppreising til jenta. Venninna vart ikkje tilkjent erstatning.