Dømt for å ha lasta ned overgrep mot barn

Dommen falt nyleg i Haugaland og Sunnhordland tingrett. Om grunnlaget for dommen heiter det: «via sine digitale enheter anskaffet, gjort seg kjent med, og/eller besittet mediefiler som viser seksuelle overgrep mot barn og/eller mediefiler som seksualiserer barn. Dette ved å foreta søk på internett, og/eller ved å laste ned slikt materiale».

Dommen omtaler også konkret kva type mediefiler det er snakk om. I alt dreia det seg om 49 bilete/videoar og/eller animasjonar/teikneseriar som innehaldt slikt materiale.

«Talet på filer ligg dermed i nedre sjikt. Dei ulovlege filene er varierande med omsyn til grovheit, og det grovaste materialet er teikneseriar/animasjonar, som vert straffa noko mildare», skriv tingretten.

Den sikta tilstod utan atterhald i retten. Han vart dømt til fengsel i 25 dagar, men fullføring av straffa vert utsett med ei prøvetid på to år. Ved ei eventuell soning utgjer varetektsfrådraget tre dagar. I tillegg blir vedkomande sin harddisk inndregen.