Doblar gratisparkeringar ut året
Senterleiinga tar på seg nissedrakten og deler ut julegåve ein månad før julaftan.
Publisert
Sist oppdatert
– Me tenkte me skulle vera tidleg ute med «julepresangen» i år, melder senterleiar Terje Børtveit ved Husnes Storsenter.
Frå fredag 25. november, Black Friday som det blir kalla på utaskjers, får kundar ved senteret fire timar gratis parkering, mot to til vanleg.
Annonse
– Får håpa det er ei kjekk nyhende. No får dei fire timar utan å måtta flytta på bilen, noko ein har kunna gjera til no, seier Børtveit til Grenda.
– Korleis har de merka parkeringsavgifta til no?
– Me har eigentleg ikkje merka det på handelen, og kundetalet er det same. Det er mest på sosiale media me ser at diskusjonen går, men der har ikkje me tatt diskusjonen, det bringer ingenting godt med seg. Julehandelen får i alle fall går sin gang, og så får me sjå kva me gjer etter nyttår, sluttar Børtveit.
