Dobbelt gull til Ripeln i Artic Circle Race 2022

Frå 4. - 6. august har NM i Roadracing gått føre seg på den unike bana som ligg 25 km nord for Mo i Rana.

Ripel Jensen kunne melda om varierande treningsforhold på torsdagen, der vêret mellom anna skapte utfordringar då dei skulle velja dekk. Fokuset i teamet vart å køyre på forhold som kunne oppstå i kvalifiseringa dagen etter, noko som i ettertid viste seg å vera eit sjakktrekk.

«No er det berre å lade opp til fredagens kvalifisering og løp som sannsynleg blir under like forhold som treninga torsdag. Mekanikarar og støtteapparat held verkeleg orden på Yamaha R1 og alt som skal til for å få ting til og fungere optimalt», skreiv han på Facebook dagen før løpet.

Strategien stod til beste plassering på pallen, både fredag og laurdag.

Køyrde frå alle

Gulløpet fredagen vart godt dokumentert av teamet på Facebook, og då hjelmen var av og sigerskysset unnagjort, fekk Marius følgjande spørsmål på Team Ripel'n si videooverføring frå Mo i Rana:

– Utruleg keisamt løp, kunne du ikkje ha venta på nummer to? Vi som har sett på har jo køyrt langt for å koma hit. Når du berre køyrer frå alle, kva trur du det får meg til å føle?

Ripel Jensen svara med å le.

Det var i følgje arrangøren 50 påmeldte utøvarar til ACR, fordelt på dei ulike klassane desse dagane. Ripel Jensen var påmeldt i Roadracing og Superbike, og enda NM i roardracing på det som må seiast å vera best mogleg måte.

Grenda gratulerer med dobbel førsteplass!