Dette lånte kvinnheringane mest av på biblioteket

Nyleg delte Kvinnherad bibliotek topplista over kva bøker det var størst rift om hos dei i 2024. Der kan ein sjå at to lokale forfattarar var spesielt attraktive når kvinnheringar skulle låna bøker i fjor.

Anders Totland ligg heilt i toppen av utlånte barnebøker, medan Lars Amund Vaage landar på ein fjerdeplass på vaksenlista med boka si «Mjølketid». Også Totland er å finna på vaksenlista. Han hamna nemleg på ein sjuandeplass med boka «Til jord skal du bli». Samstundes ligg han også inne på topplista for e-bøker, men biblioteket melder at e-bok-statistikken ikkje er heilt klar enno.

Utlånstoppen papirbøker barn

1. Gunnars rekordbok av Anders Totland – 86

2. Trollriket av Malin Falch – 81

3. Guiness world of records 2022 – 75

4. Fotballhelter av Anders Aune – 74

5. Nye gøyale vitser for barn – 69

6. Guttegærne Stacey av Raina Telgemeier – 69

7. Portaltreet. Første del av Malin Falch – 66

8. Bukkene Bruse drar til syden av Bjørn F. Rørvik – 64

9. Erling Braut Haaland- frå talent til verdensstjerne av Tore Ulabrand Johansen – 63

10. Kokosbananas og prompebrusen av Rolf Magne Andersen – 62

Utlånstoppen papirbøker vaksne

1. Fritt vilt av Agnes Lovise Matre – 63

2. Skråpånatta av Lars Mytting – 58

3. Husjomfru av Edvard Hoem – 58

4. Mjølketid av Lars Amund Vaage – 50

5. Glemt på en søndag av Valérie Perrin – 46

6. Vi er Brødrene Eikemo av Marit Eikemo – 43

7. Til jord skal du bli av Anders Totland – 43

8. En måtte nok ha vært der av Thomas Korsgaard – 40

9. Hvis det skulle komme et menneske av Thomas Korsgaard – 40

10. Tatt av sviket av Anita Østerbø – 40