Dette er dei nye nasjonale tiltaka

Dei nye nasjonale tiltaka trer i kraft natt til onsdag 15. desember og gjeld fire veker fram i tid.

Råd og anbefalingar

Avstand og sosial kontakt:

* Alle bør halda minst 1 meter avstand til andre enn husstandsmedlemer og tilsvarande nære.

* Anbefalinga om 1 meter avstand gjeld ikkje på fritida for barn i barnehage- og barneskulealder.

* Det er også unntak for vaksne som jobbar med tenester for barn og unge og sårbare grupper.

* Personar med risiko for alvorleg sjukdomsforløp og uvaksinerte bør skjerma seg. (nytt)

* Ein bør ikkje ha fleire enn 10 gjester heime utover eigen husstand. Ein kan ha inntil 20 gjester ein gong i løpet av jule- og nyttårshøgtida, men det bør vera ein meter avstand mellom gjestene. Alle må tenka gjennom kor mange nærkontaktar ein har samla sett.

* Barn i barnehagar og barneskular kan ha besøk frå eigen kohort sjølv om det vert meir enn anbefalt tal gjester.

* Reduser talet nærkontaktar, men ikkje isoler deg.

* Treff andre utandørs når det er mogleg.

Organiserte fritidsaktivitetar:

Barn og unge:

* Barn og unge i barnehage- og grunnskulealder kan ha organiserte fritidsaktivitetar, som for eksempel fotballtrening eller kroppsøving, men det blir anbefalte avgrensingar i kor mange som kan vera med. Om aktiviteten skjer innandørs bør det maks vera 20 stykk, med mindre all deltakarane er frå same kohort. (nytt)

* barn og unge i barnehage- eller i grunnskulealder kan trena eller øva saman, men vi anbefaler ikkje å ha cupar, kampar eller turneringar kor barn frå ulike stadar vert samla. (nytt)

* Det er unntak for utandørs idrettsarrangement for barn og unge i barnehage- eller grunnskulealder. Dei kan gjennomførast om barna heile tida kan halda ein meters avstand, og dersom det er mogleg å følga dei andre reglane om tal personar som gjeld for alle arrangement.

Vaksne:

* Vi anbefaler å utsetja eller avlysa gjennomføring av arrangement tilknytt organiserte idretts- og fritidsaktivitetar på tvers av ulike grupper, både ute og inne. (nytt)

* Vi anbefaler å utsetja eller avlysa organisert idretts- og fritidsaktivitetar for vaksne som skjer inne.

* Vaksne kan trena eller ha andre organiserte fritidsaktivitetar utandørs, men det er anbefalt å vera maks 20 personar og at ein held meteren.

For alle:

* Vi oppmodar alle til å koma seg ut i frisk luft. Men det er viktig å halda god avstand til kvarande, også når ein er ute.

* Garderobar kan haldast opne dersom det er mogleg å organisera bruken slik at trengsel og tett kontakt mellom personar kan unngås. Om opna garderobar fører til trengsel, vert det anbefalt å halda garderobane stengt for ordinær bruk, men likevel slik at toalett og handvaskfasilitetar er tilgjengelege dersom dette ikkje finst andre stadar i lokalane.

Skular, barnehagar og SFO:

* Det vert innført nasjonalt gult nivå i barnehagar og på barne- og ungdomsskular. Lokale bestemmingar om raudt tiltaksnivå får føre nasjonalt bestemt gult nivå. (nytt)

* Det vert innført nasjonalt raudt nivå på vidaregåande skule og for vaksenopplæring. (nytt)

* Grunnskular og barnehagar må sørga for å ha beredskap for rask overgang til raudt nivå. (nytt)

* Krav til universitet, høgskular og fagskular om å tilretteleggja for digital undervising, ferdigheitstrening og eksamen så langt det er mogleg. (nytt)

* Det kan arrangerast tilstellingar for barn i barnehage eller barneskular med heile klassar med nødventil tak vaksne til stade.

Arbeidsliv:

* Alle som kan ha heimekontor, skal ha heimekontor. (nytt)

* Heimekontor og munnbind gjeld ikkje for tenester der dette er til hinder for at tilsette kan utføra nødvendige og lovpålagde oppgåver i møte sårbare grupper og barn og unge.

* Anbefaling om 1 meters avstand.

* Anbefaling om munnbind der det ikkje er mogleg å halda avstand, med mindre det er teke i bruk fysiske barrierar som bruk av skiljevegg eller anna.

* Påbod om å bruka munnbind gjeld i nokon publikumsretta deler av arbeidslivet.

* Det vert anbefala god ventilasjon og lufting i situasjonar der ein oppheld seg i same rom over tid med personar som ikkje er husstandsmedlem.

Forskriftsfesta tiltak

Arrangement og tilstellingar:

Det vert anbefalt å redusera talet nærkontaktar. Meir tid bør brukast heime. Det betyr at ein også må avgrensa talet besøk, sosiale tilstellingar og arrangement ein deltek på. (nytt)

Det vert anbefalt å unngå bruk av kollektivtrafikk for å koma seg til arrangement. (nytt)

For arrangement gjeld desse reglane:

* Maksimalt 20 personar innandørs på private tilstellingar på offentleg stad, i lånte eller leigde lokalar.

* Minnestund eller gravferd kan ha maks 50 personar innandørs og utandørs.

* maksimalt 20 personar på offentlege innandørs arrangement utan faste tilviste titteplassar og 50 ved bruk av slike sitteplassar. (nytt)

* Arrangøren skal sørga for at alle som er til stades ved innandørs arrangement skal kunna halda 1 meter avstand til andre som ikkje er i same husstand. Det er unntak for fleire grupper, blant anna utøvarar på kultur- og idrettsarrangement, deltakarar på enkelte kurs og dei som er i same kohort i barnehage eller barneskule.

* På innandørs arrangement kor alle i publikum sitter på faste tilviste plassar er det tilstrekkeleg avstand dersom arrangøren legg til rette for at publikum har minst eit ledig sete mellom seg på same seterad frå dei kjem til arrangementet.

* På utandørs arrangement: inntil 100 personar utan faste, tilviste sitteplassar og inntil 200 x 3 med faste, tilviste sitteplassar. (nytt)

* Arrangørar skal sørga for ein oversikt kor det enkelte publikum eller gjest sitter ved offentlege arrangement kor alle i publikum sitter på faste, tilviste sitteplassar. (nytt)

* Skjenkestopp på arrangement med skjenkeløyve, inne og ute. (nytt)

* Munnbind er påbode også innandørs på arrangement. (nytt)

* Ved kyrkjevandring i kristne trussamfunn kan nye deltakarar sleppast inn kontinuerleg når nokon går ut. Tilsvarande unntak vil bli gitt for viktige høgtider for andre trussamfunn dersom smittesituasjonen gjer det nødvendig med framleis strenge tiltak. (nytt)

Serveringsstadar:

* Påbod om at serveringsstaden skal sørga for at alle kan halda 1 meters avstand til andre enn husstandsmedlem. Det skal vera minst 1 meter avstand mellom sitteplassane frå gjesten kjem, likevel slik at personar i same husstand eller tilsvarande nære kan setja seg nærmare kvarande.

* Skjenkestopp, inne og ute. (nytt)

* Serveringsstadar skal ikkje gjennomføra aktivitetar som naturleg inneber mindre avstand mellom gjestene enn 1 meter. Dette vil typisk vera dansing. (nytt)

* Serveringsstadar med skjenkeløyve skal ha sitteplassar til alle gjester, men det er ikkje eit krav ved kulturarrangement på serveringsstaden.

* Serveringsstaden skal registrera kontaktopplysingar til gjester som samtykker til det.

* Serveringsstad skal ikkje ha servering for innandørs privat tilstelling med fleire enn 20 personar inne og 50 ute. Reglane for private tilstellingar gjeld ikkje på serveringsstad. Serveringsstaden skal ivareta smittevern. (nytt)

Smittevernfagleg forsvarleg drift:

* Påbod om smittevernfagleg forsvarleg drift for barnehagar, skular og annan opplæringsverksemd.

* Fornøyelsesparkar, leikeland, spelehallar og liknande skal halda stengt. (nytt)

* Symjehallar, badeland, spaanlegg og hotellbasseng, og treningssenter kan berre haldast open for: Individuell trening. Ved trening med høg intensitet skal det haldast 2 meter avstand. Skulesymjing, symjekurs, symjetrening og konkurransesymjing med arrangør. Rehabilitering og opptrening individuelt eller i mindre gruppe med arrangør eller annan individuell behandling som det kan bestillast time til og kor bad er ein del av behandling. (nytt)

* Følgjande verksemder skal drivast smittevernfagleg forsvarleg for å kunna halda ope: Bibliotek, museum, bingohall, symjehall, badeland, spaanlegg, hotellbasseng, treningssenter, kjøpesenter, butikk, varemesse, marknadar og liknande.

* Dette inneber krav om å sørga for at det er mogleg å halda minst 1 meters avstand til personar som ikkje er i same husstand, og at verksemda har utarbeida rutinar for god hygiene.

* Med unntak av bibliotek, museum, butikkar og kjøpesenter skal verksemder registrera kontaktopplysingar til gjester som samtykker til det.

* Bransjerettleiar bør gjeninnførast for treningssenter og symjehallar.

Munnbind:

* Påbod om bruk av munnbind når det ikkje er mogleg å halda minst ein meter avstand i butikkar, kjøpesenter, serveringsstadar, kollektivtransport, taxi og innandørs stasjonsområde. Påbodet gjeld også for tilsette med mindre det er teke i bruk fysiske barriere.

* Munnbindpåbod gjeld også hos frisørar, hudpleiarar og andre ein-til-ein-verksemder.

* Munnbindpåbod gjeld også på innandørs arrangement, i bibliotek og i museum. (nytt)

* Munnbindpåbodet gjeld ikkje mens ein sitter ved eit bord på serveringsstad eller inntar mat eller drikke sittande. (nytt)

* Det er allereie nasjonal anbefaling om å bruka munnbind der det er mykje folk og vanskeleg å halda avstand.

Heimekontor:

* Påbod om at arbeidsgivar sørger for at tilsette jobbar heimanfrå dersom dette er praktisk mogleg og ikkje til hinder for viktig og nødvendig verksemd på arbeidsplassen, blant anna verksemd for å ivareta barn og sårbare grupper. (justert)

Karantene:

* Felles reglar for isolasjon og karantene uavhengig av virusvariant. Karanteneplikt for husstandsmedlem og tilsvarande nære med moglegheit for å testa seg ut etter sju dagar. Andre nærkontaktar kan testa seg ut etter tre dagar, men framleis vera i fritidskarantene til negativ test etter sju dagar. (nytt)