– Det som ikkje får plass, skal på SIM
Hytteeigar Sidsel Sande har sett seg lei av alt som blir lagt igjen ved hyttekonteinaren i Neslia.
I Neslia står det ein konteiner som er meint for avfall frå hyttene i området. På denne konteinaren er det nokre små luker ein kan kasta bossposane og anna småavfall inn i. Det er det ikkje alle som har fått med seg.
– Eg veit ikkje kva folk tenkjer på, men dekka går ikkje ned i dei små hola til hyttekonteinaren. Det er utruleg kva folk trur dei kan etterlate seg. Det som ikkje går ned i hola på konteinaren skal leverast på SIM, understrekar Sande i ein e-post til bladfyken.
