– Det er litt skremmande

– Etter å ha vore her ei stund så byrjar eg å sjå litt meir i detaljar kva det går i, så føler i grunn at eg har noko å bidra med. I tillegg så kjenner eg skulen ganske bra etter å ha vore avdelingsleiar i ein fire-fem år fyrst, sa Melheim over telefon i høve tilsetjinga.

Einaste søkjar

– Eg har eigentleg ikkje eit kjempestort behov for å vera rektor, men eg er veldig oppteke av kven som kjem i stolen. Det var i grunn difor eg søkte, grunnen til at eg takka ja var på grunn av dei flotte og engasjerte tilsette her ved skulen, og ikkje minst pågangsviljen deira. Planen er å fortsetja i alle fall i eitt år til, fortsette han.

Melheim var også den einaste søkjaren til stillinga, noko han sjølv synest er skremmande.

– Det er jo litt merkeleg, klart det er både på godt og vondt for min del, men det er litt skremmande at så få søkjer på slike stillingar. Det viser jo at dei ikkje er kjempeattraktive, men eg tykkjer det burde vore fleire, understreka han.

– No er det derimot viktig at ting dett på plass, og me håpar me er eitt steg vidare. Akkurat no er me i ferd med å lysa ut stillinga som avdelingsleiar, så då håpar me på fleire søkjarar, legg han til.