– Det er gjort fysisk skade på utstyret vårt fleire stader i Kvinnherad
– Det er dette eg kan sei per no, seier Geir Holen som er pressevakt for BKK og Eviny. Dei er råka av den same sabotasjen som Kvinnherad Breiband.
Publisert
Sist oppdatert
Holen understrekar at dei ser svært alvorleg på hendinga, og at det no blir jobba med både lokalt og ved hovudkontoret i Bergen.
– I verste fall kan det jo gå ut over liv, seier han.
Annonse
Dialog med politiet
BKK er råka av den same sabotasjen som Kvinnherad Breiband, men Holen opplyser at straumforsyninga skal virka som normalt. Det er fysisk sabotasje på utstyret deira det er snakk om, og sabotasjen er gjort fleire stader i kommunen.
– Dette ser me svært alvorleg på, og me er no i dialog med politiet om saka. No på føremiddagen jobbar me med å kartlegge omfanget, held Holen fram.
– Kvinnherad Breiband fortalte at stamfiberen vart råka av sabotasje fleire stader samstundes. Det framstår som planlagt?
Annonse
– Eg kan ikkje stadfesta at skadane har skjedd samstundes, men det har skjedd fleire stader i kommunen i løpet av eit kort tidsrom, seier Holen, og legg til at han ikkje vil uttala seg om lengda på det korte tidsrommet.
