Det blir filmmusikk på programmet når Høyåker Musikkorps med gjester inviterer til konsert
– No har me lyst å gjera noko gøy i samarbeid med andre, så me håpar mange tek turen på konsert 25. eller 26. mars, helsar Ingrid Sæverud Røen.
Publisert
Den 25. mars blir det konsert i festsalen på Husnes. Denne kvelden består gjesteartistane av Amigos og barnekoret til Kvinnherad kulturskule.
Dagen etter tek Høyåker Musikkorps turen til samfunnshuset på Halsnøy. Igjen stiller Amigos opp på konserten, og her får dei også musikalsk drahjelp av Perlene barnekor og dei unge strykarane i kulturskulen.
Annonse
– Mange har sete inne lenge no, så me håpar filmmusikk-kveldane kan bidra til å få folk ut. Repertoaret blir variert, med musikk frå musikalar, teikneseriar og filmar, så me trur det blir noko for alle, fortel Røen vidare.
Korpset har gjort filmmusikk tidlegare, og ser fram til å gjere noko liknande på ny.
– Det er jo kjekt å spela noko anna enn marsj og det me speler til vanleg. Og det er særleg kjekt å kunne invitere med oss gjester, sluttar ho.
Arrangøren lokkar med musikk frå kjende filmar som Grease, Skjønnheten og Udyret og Pirates of the Caribbean.
