Det blir avduking av Salmon Eye 2. september

Både han og alle dei andre involverte gler seg til å visa fram den unike flåten for første gong. Sjølv om slepet er i gong, gjenstår framleis noko arbeid på anlegget, som må gjerast då det er framme i Rosendal.

Fredag den 2. september inviterer dei innbyggjarane frå heile kommunnen til ein stor folkefest i Rosendal. På programmet står gratiskonsert, mat og drikke og hyggeleg samvær, i tillegg til ein fagleg rundbordskonferanse.

– Avdukinga vil bli spektakulær, og vi håpar å gjera heile kommunen stolte av det som vil bli eitt av verda sine leiande senter for innovasjon, inspirasjon og kunnskap om reine hav og berekraftig matproduksjon, skriv Torjusen i ei pressemelding.

Lovar folkefest

Dei har tru på at det visuelle inntrykket av det avduka Salmon Eye vil vera heilt spesielt.

– Det viktigaste denne dagen er at lokalbefolkninga får ein skikkeleg folkefest, og det skal vi sørgja for. Det blir program heile dagen, med live-sending av sjølve avdukinga på sjø. I tillegg blir det musikk og underhaldning frå scena, av ypparste klasse, sluttar han.

I sluttfasen med Salmon Eye: – Vi nærmar oss noko