Desse fekk pengegåve

Koret Perlene opna festen med å framsyna fleire av låtane frå musikalen «Skatten på Sjørøverøya», som dei fekk pengar av Sparebank1-stiftinga til å gjennomføra.

– No fekk vi verkeleg sjå kva dei kan, det var ei heilt super opning av kvelden, sa daglig leiar i Sparebank1-stiftinga Bente Lie Nilsen.

– Til denne utdelinga fekk vi 184 søknader med ein totalsum på 26 millionar kroner. I dag skal vi dela ut 71 gåver og nesten 8.6 millionar. Gjennomsnittet på kvar gåve blir ca. 120 000. Det er mykje pengar, fortsette ho.

Gåvene vart fordelt på kategoriane Idrett, fysisk aktivitet og friluftsliv (27 gåver), Kunst og kultur (22 gåver), Humanitære tiltak og helseformål (11 gåver) og Samfunn, utvikling og sosiale tiltak (11 gåver).

Nokre av mottakarane hadde allereie fått vita kva sum dei får, og til og med fått dei utbetalt og brukt dei. Andre var totalt i mørkret om kva dei skulle få utdelt.

Viktige frivillige

Torill Lyngnes i Sparebank1-stiftinga nytta høve til å rosa dei frivillige i Kvinnherad.

– Det skjer noko til vanns, til lands, i fjellet og jammen oppi lufta av og til òg. Dei frivillige som stillar opp kvar veke, månad og år for at lag og organisasjonar og bygder skal fungera og utvikla seg er kjempeviktige, sa ho og la til;

– Det skjer noko innan idrett og leik, turstiar, musikk, historie og kultur. Men det skjer òg masse innan helse og prosjekt for utvikling av samfunn. Det er parkar og friluftsområde, hobby, kurs og føredrag. Sist men ikkje minst alle bygdehusa som vart tekne godt vare på av dykk. Utan dykk som sit her i dag hadde ikkje dette vore mogleg.

– Til dei som ikkje har fått må vi sei at det kjem alltid nye moglegheiter, sa Nilsen og opplyste om at søknadsportalen for nye søknader under 30 000 kronar vart opna tysdag morgon.

Sjå kven som fekk gåver her:

Dei som allereie visste kva dei fekk er samla i tabellen under.