Designtrioen Ytre vann høgthengande pris: Skave inntar Manhattan
Rosendelingen Njål Hatteberg og designtrioen Ytre vann i går kveld studentpris i NYCxDESIGN.
Publisert
Sist oppdatert
Dagleg leiar i designfirmaet Fram Oslo, Annette Hoff, fortel til Presserom at det blir jobba opp mot nye aktørar på den amerikanske marknaden. Skave er av produkta som vil kunne få nyta godt av amerikanske kundar i tida som kjem.
Ho er spent på korleis Skave vil bli motteke, eit sett med oppbevaringsboksar i tre, designa av masterstudentane ved KMD Bergen; Njål Hatteberg, Taran Neckelmann og Ayla Gürsoy i designtrioen Ytre.
Annonse
Oppbevaringsskrina som no har innteke Manhattan er inspirert av tradisjonell byggeskikk på Vestlandet.
Vilt, vakkert og utemja
– I Fram Oslo er vi opptatt av inspirasjonen og historia bak designet. Det er noko særeige med norsk møbel og interiør, noko vilt og vakker og kanskje litt utemja samanlikna med våre naboland, og dette appellerer til amerikanske designkjøparar. I tillegg er Norge forbunde med ærlege, enkle produkt som held høg kvalitet, seier Hoff til magasinet.
Prisen Ytre vart tildelt er høgthengande i USA. Også dei ni andre som var nominert til studentprisen gjekk sigrande ut av konkurransen, noko som ikkje kom fram under seremonien, men som Hatteberg & Co vakna opp til onsdag morgon.
Annonse
Per sms frå Manhattan skriv Njål Hatteberg at det var stas å vinne.
– Det er viktig å understreke at vi vann pris som også dei andre ni studentprosjekta gjorde, men det å vere ein av ti vinnarar i denne byen er jo særs stort. Prisen er sjølvklart eit stempel på vårt arbeid som vi kan ta med oss vidare.
Elles var prisseremonien langdryg, der ekstreme mengder namn og design vart lese opp. Ingen vinnarar vart lese opp i studentkategorien, noko som førte til at Hatteberg tenkte det var meir som ein heiderleg omtale å bli nominert.
Onsdag skulle trioen sjå om dei fekk tak i den fysiske prisen.
Dei to andre norske designa som var nominert i andre kategoriar i konkurransen fekk begge heiderleg omtale.
NYCxDESIGN blir omtala som USA si viktigaste designmesse. Dei ventar meir enn 10.000 besøkande mellom 15. og 17. mai, der arkitektar, designarar, forhandlarar, distributørar og journalistar er blant gjestene.
