Der ingen skulle tru at nokon kunne byggja
I serien «Ein skal sjå mykje før ein har sett alt», er ein komen til episoden «Det var då også ein plass å byggja reir».
Publisert
Det er tydeleg at idretten som blir utøvd på Rosendal Stadion er av det finslege slaget. Konklusjonen er dregen utfrå det faktum at det er bygd eit reir – totalt ukvalifisert gissing seier av ein eller annan sort måse – inn på grasbanen. I reiret låg det søndag kveld eit einsleg egg utan tilsyn, medan det pågjekk ein fotballkamp i jenter-19-serien.
Når byggjearbeidet vart utført skal vera usagt, men gitt aktiviteten som pregar området seint og tidleg, er fredag kveld omtrent den einaste stille tida nokon kan finna på Rosendal Stadion. Og gitt at det innimellom er ein robotklippar som svever over graset, spørst det om byggjeplanane er godkjente av byggjesaksavdelinga i rådhuset, knappe 125 meter vekke.
Annonse
Inntil vidare er det lite anna å gjera enn å ønska dei rettmessige eigarane av den luftige eittromsen lukke til med familieauken – og med familieplanlegginga i framtida.
