Den sakna mannen funnen død ved Staffivatnet
Mannen som vart meldt sakna på søndag, er no funnen død.
Publisert
Sist oppdatert
Det var ein person som var på jobb i området som oppdaga bilen til den sakna ved Staffivatnet. Politiet fekk melding om funnet klokka 13.45 onsdag. Den sakna vart diverre funnen død.
– Sjølv om det ikkje er føreteke formell identifisering, er vi nokså sikre på at det er den sakna. Difor er også dei pårørande varsla, fortel politistasjonssjef Sigurd Børve til Grenda.
Annonse
Det er ikkje mistanke om at det ligg noko kriminelt bak dødsfallet.
Den døde er frå Bergen, men vart sist sett i ein bustad på Halsnøy fredag i førre veke.
Staffivatnet ligg innom Fjellhaugen, eit stykke i retning Blådalsvatnet.
