Den døde skal obduserast i dag
Også laurdag jobbar politiet med etterforsking på Varaldsøy.
Publisert
Sist oppdatert
Grenda snakka med lensmann Sigurd Børve i 12-tida laurdag. Han var ikkje sjølv på Varaldsøy då, men var naturleg nok oppdatert på etterforskinga.
– Når det gjeld åstaden vart det meste gjort i går, men vi er ikkje heilt ferdige. Det vert såleis meir arbeid der i dag og over helga. I dag skal vi fyrst og fremst jobba med oppfølging av vitne og oppfølging av innsatspersonell, seier han.
Annonse
Også politi frå Kvinnherad lensmannskontor vil koma til Varaldsøy i løpet av dagen.
Dødsårsaka
Vidare reknar Børve med at det i løpet av laurdagen vil koma pressemelding med resultatet av dagens fengslingsmøte. Truleg vil også namnet på den døde bli offentleggjort i dag, men dette avheng av kva dei pårørande meiner.
– Har de kome vidare når det gjeld å avklara dødsårsaka?
Annonse
– Nei, det får vi fyrst vita når obduksjonsrapporten er klar. Så vidt eg forstår vil obduksjonen bli utført i dag, men eg trur ikkje konklusjonen av den vil bli offentleggjort i helga, opplyser Børve.
