Delte ut SMIL-midlar til seks søkjarar

SMIL-midlane vert til vanleg berre delt ut om våren. Men i år hadde Kvinnherad kommune pengar til gode frå utdelinga i vår, og det var også nokre midlar (175.773 kroner) som var inndrege gjennom dei siste åra frå prosjekt som ikkje har blitt gjennomført. Difor vart det utført ein ny søknadsomgang hausten 2024.

Til den kom det inn sju søknadar på i alt 605.000 kroner. Kommunedirektøren innstilte på å dela ut 283.450 kroner i denne omgangen.

«Føremålet med SMIL-ordninga er at den skal vera til hjelp for å ta vare på natur- og

kulturminneverdiane i kulturlandskapet og å redusera forureining», stod det i saksutgreiinga til Formannskapet sitt møte 5. desember.

Seks av søknadane vart tilgodesett med pengar. Berre Mathiesen gard & utleige i Uskedalen fekk avslag, noko som skuldast at det ikkje er jordbruksproduksjon med tilskotsrett på eigedommen.

Tildelingane

Søkjar, Tiltak, Søknadsbeløp, Eigenfinansiering, Løyving

Jan Christian Jespersen, Reparera tak på gamalt naust Fjelbergøy, 200.000, 50.000,

100.000

Kurt Inge Miljeteig, Inngjerding av areal som skal brukast til beite, 207.120, 0,

93.750

Bjørn-Olav Netland, Kjøpa Nofence til bruk på sauer i fjellet, 40.000, 60.000,

40.000

Fjellandsbø gard, Kjøpe klavesystem ved virtuelt gjerde, 43.000, 15.000,

23.200

Gjuvsland samdrift DA, Innkjøp av nofence, 20.000, 41.440,

20.000

Laila Merete Haukenes, Hindra attgroing ved beiting av småfe, 16.200, 0,

6.500

Mathiesen gard & utleige, Setja opp gjerde, 10.000, 3.000,

0