Delte ut 234.000 til ti prosjekt
Sparebank1 stiftinga Kvinnherad opnar pengesekken jamleg for mindre prosjekt. I juni får ti nye prosjekt støtte på inntil 30.000 kroner.
Publisert
Sist oppdatert
– Det er fantastisk å lesa søknader med innhald som visar eit stort engasjement for å skapa aktivitet for flest mogleg, skriv Bente Lie Nilsen i samband med at Sparebank1 stiftinga Kvinnherad har delt ut pengar til ti mindre prosjekt.
Den daglege leiaren for stiftinga slår fast at aktive organisasjonar med aktive frivillige gir eit mangfald av aktivitetar for barn, unge og eldre.
Annonse
– Spekteret strekker seg frå hoppetårn for badande gjester, tilrettelegging av turvegar, song og musikk, idrettsarrangement, teater, utstyr til opptrening av hundar og hus til robotklippar. Det må me kalla mangfald, påpeikar Lie Nilsen.
4. juni var gjorde stiftinga vedtak om 10 gåver til ulike prosjekt. Det var totalt 22 søknader på inntil 30.000 kroner som denne gongen var til vurdering.
