Deler ut nynorskstipend
Har du eit godt nynorskprosjekt, men manglar pengar? Då er kanskje Mållaget si utlysing noko for deg.
Publisert
Sist oppdatert
Noregs Mållag deler årleg ut fleire ulike stipend og prisar for godt nynorskarbeid, kor desse stipenda er blant ordningane.
– Noregs Mållag lyser kvart år ut to nynorskstipend på 50.000 kroner, eitt til ei kvinne og eitt til ein mann. Stipenda skal gå til prosjekt som fremjar nynorsk på område der han frå før er lite brukt, opplyser Mållaget på nettstaden sin.
Annonse
Til inspirasjon
Lista over tidlegare tildelingar viser at det er ein god variasjon i prosjekta som har fått stipend.
I 2019 gjekk eitt av stipenda til å lage kortstokkar for å spreia informasjon om menneskerettar, medan det andre gjekk til eit prosjekt med å utvikle eit digitalt matematikkspel. Elles på lista over tildelingar finn ein nynorsk teikneserieroman, plateinnspeling med nynorsk song, nynorsk teksta brettspel, bloggar, samt å skrive rappelyrikken sin poetikk.
Prispengane er ei løyving frå Kulturdepartementet, og fristen for å søkje er 19. januar.
