Deler ut nye pengar frå kraftlagsstiftinga

Stiftinga vil på ny dela ut pengar til allmennyttige føremål, opplyser Fjelberg kraftlag-stiftinga.

– Stiftinga ser at pengane kjem innbyggjarane til gode. Det er stor aktivitet i området vårt som er det som tidlegare var nedslagsfeltet til Fjelberg Kraftlag. Denne hausten vil stiftinga dele ut inntil 600.000 kroner, opplyser Torstein Aarthun på vegner av styret i stiftinga.

Det går fram av ei melding frå stiftinga at dette er noko meir enn føregåande år. Søknadsfristen er i siste del av november, medan tildelinga vil skje i desember, opplyser styret i Fjelberg Kraftlag-stiftinga.