Deler ut 800.000 kroner i aktivitetsmidlar - sjå kven som får pengar her

På eige initiativ har styret i Sparebank 1-stiftinga Kvinnherad igjen tildelt lokale lag og organisasjonar i Kvinnherad aktivitetsmidlar for å bøta på utfordringane skapt av koronapandemien.

Denne våren deler dei ut 800.000 kroner til 19 ulike lag i kommunen.

– Stiftinga har allereie fått kjekke tilbakemeldingar på tildelte koronagåver, og som ei oppfølging av dette ynskjer stiftinga å formidla at gåvene også er tenkt brukt til det formål at alle skal med, skriv stiftinga i ei pressemelding og held fram.

– Det er mange familiar, barn og unge som er råka av denne pandemien. Den har ført til vanskelege økonomiske tider, og at nokre av den grunn uteblir frå den organiserte aktiviteten.

Styret i Sparebank 1-stiftinga Kvinnherad bed difor gåvemottakarane om å bruka deler av gåvebeløpet med tanke på manglande utstyr og medlemskontigentar.

– Slik at dei som er hardast råka av pandemien også har moglegheit til å ta del i aktivitetane i kvart enkelt lag, skriv stiftinga.

Sjå kva 19 lag som får koronagåver her: