Dei nominerte til Uprisen 2022 er...
Nominasjonsjuryen i Uprisen offentleggjorde torsdag, 20. januar, kva for fem ungdomsbøker frå 2021 dei meiner er best.
Publisert
Sist oppdatert
- Det var eit overveldande arbeid å lese og vurdere 500 sider med bokmeldingar. Men det gjekk lettare og lettare etter kvart, og dagen i dag har vore ei fin erfaring. Vi er nøgde med resultatet, kunne nominasjonsjuryen fortelja.
Juryen bestod av Nicoline Alten, Ruseløkka skole (Oslo), Andreas Olderbakk, Rå skole (Vestland), Mathias Sommerseth Mathisen, Børselv skole (Troms og Finnmark), Isak Aleksander Unstad, Solvang ungdomsskole (Viken), Pernille Storstein-Fuglestad, Oddemarka ungdomsskole (Agder).
Annonse
Bøkene juryen har nominert er følgjande:
Abnormium av Ida Kinden Jonassen, Den sorte bruden av Anne Elvedal, Litt redd, bare av Alexander Kielland Krag, Svarttrasta syng om natta av Tone E. Solheim og Jente (17) ikke savnet av Camilla Helene Sandmo.
Bidrag frå Kvinnherad
9. trinnet ved Husnes ungdomsskule har delteke i arbeidet som kritikarklassar. Gjennom denne rolla har dei skrive bokmeldingar til fleire av ungdomsbøkene som kom ut i fjor.
Annonse
Blant bøkene som har blitt vurdert er ungdomsromanen «Blindsone», skrive av Anders Totland. Denne er blant bøkene som fekk flest bokmeldingar, men i skarp konkurranse med anna god ungdomslitteratur gjekk ikkje Totland vidare til Upris-finalen.
I tillegg var Tor Arve Røssland sin roman «Jegeren» med på lista over bøkene frå 2021. Forfattaren har truleg Norgesrekord i upris-nominasjonar, då han har vore nominert fem gonger sidan Uprisen vart etablert i 2007. Men i år vart heller ikkje hans bok trekt fram i topp-5.
Dei fem bøkene som no er nominert skal bli lese og vurdert på ny av elleve juryklasser, som i samarbeid skal kome fram til ein vinnar. Vinnaren blir offentleggjort under Litteraturfestivalen på Lillehammer 2. juni i år.
