– De kan skriva: Skryt til Pensjonistforbundet HVØ

– De kan skriva at eg vil ringa og skryta over Rita Martens Meyer og resten av pensjonistforbundet HVØ,som steller i stand for oss pensjonistar. Det betyr kolossalt mykje for oss som får nytta det. Å koma saman, snakka saman, dansa til kjekk musikk, det er nett så ein yngest opp igjen! Me treng det også veldig for me har sete så lenge aleine gjennom pandemien. Det er kjekt å sjå så mange folk, både frå Rosendal og Herøysund, men også frå Tysnes, Fusa og Øystese kom det folk. Me hadde ein festleg kåsør som fortalte om tida si som kjøkemeister og trekkspelar.

Kvam spelemannslag og trekkspelklubb spelte til oss, og nærare 100 tok turen. Me er veldig glade for den aktiviteten dei steller i stand! skryt Malena Aasen.