Dårleg innsats kosta dyrt i Bergen

Rosendal/Trio 2 var fullt på høgde med Trott 3 i Bergen i lengre periodar. Likevel vann studentane frå Stord ganske komfortabelt til slutt.

– Det vart dårlege greier. Me kunne tatt desse om me hadde lagt ned ein skikkeleg innsats, seier trenar Anders Saghaug.

For sjølv om samarbeidslaget frå Kvinnherad hadde mykje ball og var fullt på høgde med vertane i store periodar, gjorde dei det enkelt for Trott føre eigen sekstenmeter.

– Tre av måla kjem frå personlege feil. Me blir slitne utover i begge omgangane, og når vi står igjen med fem mann oppe i angrep så blir det ofte eit mål i mot, seier Saghaug.

Og når det for Rosendal/Trio stoppa heilt opp på siste tredel, vart det eit skuffande 4-0-tap for samarbeidslaget.

– Me får rett og slett ikkje ballen i mål. Vi er betre enn Trott i lengre periodar, men det blir full stopp når vi kjem til sekstenmeteren, seier Anders og legg til:

– Det er absolutt skuffande, dei er jo ikkje noko betre enn oss desse her. Men mangel på innsats gjer at vi ikkje får med oss noko som helst.

Trott 3 4-0 Rosendal/Trio 2

433

Tormod Vårdal - GG

Mathias Gjelseng - GGG

Vegard Johnsen

Anders Saghaug

Jonas Teigen

Marius Myklebust

Sander Myklebust

Hugne Eik Sjo - G

Elias Urdshals

Jarand Naterstad

Daniel Sørtveit

Innb.: Mathias Grindheim, Sindre Opsanger, Torstein Myklebust, Johannes Øvstebø, Saromo Paskal og Tristan Fredlund.