Daniel Kvammen til Gurinefjæro
Den nyetablerte kulturarrangøren Rosendal Kultur har fått ein flott start på verksemda si. Som første arrangement har dei booka ingen ringare enn Daniel Kvammen.
Rosendal Kultur består mellom anna av leiar Ingve Hesjedal og nestleiar Julie Skeie Olsen. Dei seier dei skal vera ein kulturarrangør drive av frivillige.
8. desember kjem Daniel Kvammen for å spela konsert i Nyasago i Gurinefjæro. Dette er nok ikkje den største konsertarenaen Kvammen har opptredd på, så her er det mogleg å få ein sjeldan intimkonsert med musikaren frå Geilo. Kvammen slo gjennom i 2015 med plata «Fremad i alle retninga», og vart nominert til fleire Spellemannsprisar og P3 Gull, både for plata, og for låta «Du fortener ein som meg».
Annonse
Daniel Kvammen skriv sjølv i ei pressemelding at han gler seg utruleg mykje til juleturneen sin, og held fram:
«Me skal kjenna på sjølve julefreden og gleden. Og aller viktigst, me skal feira det finaste me har: Kvarandre.»
Rosendal Kultur melder at det er eit avgrensa antal billettar.
«Velkomen til ei magisk førjulsoppleving», skriv dei på si facebookside.
