Daidalos Dahle (44) blir dagleg leiar for Kvinnherad Arena

«Dahle har fagbakgrunn i pedagogikk med ein master retta mot idrett og folkehelse. Han har variert yrkeserfaring, mellom anna innan barne- og ungdomsarbeid, og han er kjent som drivkraft i kulturlivet ikkje berre lokalt i Kvinnherad, men i vide krinsar elles», skriv Anbjørn Høivik i ei pressemelding.

Dahle tek til i stillinga 1. august, og den nye arbeidsstaden hans, Kvinnherad Arena, skal etter planen stå ferdig ved årsskiftet. Dahle går då frå å jobba som lærar til å fylla Kvinnherad si nye storstove med aktivitet.

Nye ressursar på planavdelinga

I planavdelinga er det elles gjort tre tilsettingar.

Sara Brattfjell Heggdal (25) har fagbakgrunn som landskapsingeniør og kjem til Kvinnherad med ein rykande fersk master i areal og eigedom. Ho tok til i stillinga måndag 27. juni.

Dag Otto Brænde (33) har utdanning i statsvitskap og har i masterstudiet fokusert særleg på global utvikling, berekraft og nyskapande teknologi. I tillegg har han utdanning i pedagogikk og yrkeserfaring mellom anna frå kulturinstitusjonar og vidaregåande utdanning. Han startar i jobben 11. juli.

Jon Mikkel Sjo Prestegård (32) har ein bachelor i juridiske fag, men òg fagbrev og yrkeserfaring frå byggebransjen. Jon Mikkel kjem no frå stilling på byggesakskontoret. Han tek til i planavdelinga 8. august, heiter det i pressemelinga.