Covid-19 kom frå dyr

The Independent Task Force, ei internasjonal gruppe forskarar på 14 personar, har undersøkt ulike teoriar, og mellom anna funne ut at det ikkje finst dokumentasjon som understøttar at det kan ha kome frå ein laboratorielekkasje.

– Me har analysert alle relevante tilgjengelige data og vurdert ulike teoriar, inkludert laboratorielekkasje eller uhell, men dei vitskapelege bevisa er overveldande i retning av ein zoonotisk overføring frå dyr, seier Veterinærinstituttets direktør for forskning og internasjonalisering Carlos das Neves i ei pressemelding.

I rapporten blir det peika på at utbrot av virus av typen SARS-CoV-2 og andre RNA-virus har auka dei siste tiåra. Dette blir mellom anna grunngjeve med befolkningsvekst blant menneske og husdyr, klimaendringar, endra mønster i arealbruk, samt internasjonale reiser og global handel.

Covid-19 er såleis eit døme på ein ny folkesjukdom som er årsaka av et patogen frå dyr, slår forskargruppa fast.