Consto tildelt Husnes barneskule-bygginga

Consto Bergen AS, Obas Vest AS, Skanska Norge AS og Hent AS leverte tilbod på bygging innan fristen, men Kvinnherad kommune avviste tilbodet frå Obas. Dette vart gjort då Obas ikkje kunne dokumentera eigenkapital på minst éin tredjedel av tilbodssummen.

Dei innkomne, godkjente tilboda hadde desse prisane, inkludert meirverdiavgift:

• Consto Bergen AS: 218.505.216,25 kroner

• Hent AS: 235.097.515 kroner

• Skanska Norge AS: 253.195.972,5 kroner

Kompetanse og pris

Kommunen vurderte tilboda ut frå tildelingskriterium der pris betydde 80 prosent og kompetanse 20 prosent.

– Då kunngjeringa blei publisert, vart det avgjort korleis pris og kompetanse skulle vektast innanfor oppgjeve ramme. Før evalueringa har oppdragsgjevar vedteke korleis vekting skal gjerast, og ein har omgjort vekt til poeng, slik at poeng er lik vekt, opplyser Kvinnherad kommune i eit brev til verksemdene som har gitt inn tilbod på bygging av skulen.

I vurderinga av kompetansedelen av tildelingskriteria vart både Consto Bergen og Skanska Bergen tildelt 10 av 10 poeng, medan Hent henta heim 8 av 10. Etter vektinga var verdigvurdert, kom Consto ut med både best pris og maks score på kompetanse.

– Det tas uttrykkeleg atterhald om at inngåing av kontrakt berre vil skje etter endeleg finansiering er på plass og finansieringspolitisk godkjenning og vedtak om realisering. Oppnår me ikkje slik godkjenning, vil det ikkje bli tildelt kontrakt, poengterer kommunen i brevet til oppdragsvinnaren Consto Bergen.

Karensfristen er sett til 20. desember.