Bygging av Husnes skule: Klagar får medhald
Måndag opplyste einingsleiar for prosjekt og utbygging i Kvinnherad kommune Erlend Bøyum at Kvinnherad kommune taper klagen i etterkant av anbodskonkurransen om bygging av ny barneskule på Husnes.
Publisert
– Me har fått beskjed om at kommunen taper den saken i klagenemnda for offentleg anskaffing (KOFA). No er det heile til juridisk gjennomgang, og så må me ta det derifrå. Eg reknar med at ein i løpet av tysdagen blir det konkludert om kva ein gjer vidare, seier Bøyum til Grenda.
Klagen vart omtalt i formannskapsmøtet 17. august. Då sa kommunedirektør Leif Ove Mikkelsen at er KOFA er eit tungt kompetent miljø i anskaffelsesrett, og at deira konklusjon blir vanlegvis følgt.
Annonse
– Me går vidare viss me får medhald. Viss Labb (klagar, journ.merk) får medhald, må me ta stilling til kva me gjer. Å avlysa er eit alternativt, då det er éin tilbydar att, og byggherren står då fritt til å lysa ut på nytt. Me vil truleg ha svar tidleg i september, sa Mikkelsen då.
