Bygde fartshumpar på Sandvoll
Torsdag vart det bygd fartshumpar på fylkesvegen ved Skarveland skule.
Publisert
Sist oppdatert
Kvinnherad har no fått nokre nye tilskot til ein allereie rik flora av fartshumpar. Dei er ikkje særleg populære blant folk som køyrer mykje, til dømes bussjåførar og lastebilsjåførar. Men det ser ut for at fartshumpar er det greiaste å ty til når ein ynskjer å hindra brot på fartsgrensene.
Dei tre førebels siste fartshumpane kom torsdag på plass nedanfor Skarveland skule på Sandvoll. Det er òg snakk om at fartsgrensa skal setjast ned frå 50 til 40 på strekninga.
