BT: Skal undersøka om drapssikta er tilrekneleg

For fire veker sidan vart Renate Strand Normann funnen død på Varaldsøy. Ein 47 år gamal mann er sikta og fengsla for drap.

Mannen nektar straffskuld og hevdar ho vart skada etter eit fall. Politiet på si side har tidlegare meldt at ein førebels obduksjonsrapport viser at skadane ikkje er foreinlege med eit fall. I tillegg hevdar dei å ha funn det dei meiner er eit drapsvåpen på åstaden.

Fredag skriv Bergens Tidende at politiet vil vurdera om den drapssikta mannen er tilrekneleg.

– Vi har henta ein primærpsykiatrisk rapport, og vil henta inn ein full judisiell. Det var det som vart anbefalt i den primærpsykiatriske, seier politiadvokat Janne Ringset Heltne til BT.

Ein judisiell observasjon vert gjort for å vurdera om ein sikta person er tilrekneleg eller ikkje. Om personen ikkje er tilrekneleg, kan han heller ikkje dømmast til fengsel.

– Eg er ikkje bekymra for forvaring i denne saka. Det kan vera greitt å få ein full judisiell observasjon av min klient. Det er vanleg i slike saker, seier mannens forsvarar Jørgen Riple til BT.

Politiet har så langt avhøyrt over 20 personar om saken. Framover vil dei vurdera om nye opplysingar gjer at det er behov for fleire avhøyr.