Brystkreft: Satsar på to samlingar i halvåret
Gruppa som tidlegare i vår tok initiativ til å laga ein møtestad for brystkreftråka har no hatt to samlingar. Sist vart det bestemt kva form initiativet skal ha framover.
Publisert
Sist oppdatert
Det vart informert om sider som kan vera gode å kjenna til, og praten gjekk elles laust om korleis dei einskilde opplever oppfølginga av helsevesenet. Samstundes vart det prata om korleis gruppa ynskjer å halda fram med samilingane for dei kreftråka.
Annonse
«Vi vart samde om å ha to samlingar i halvåret. Vi satsar på september og november denne hausten», skriv Astri Måkestad på vegne av gruppa i ei pressemelding.
Her vert det også understreka at gruppa skal vera ein trygg samlingsplass der ein kan utvelska erfaringar, samt gi og få støtte av andre i same situasjon.
Brystkreft på dagsorden
Kvar samling vil ha eit tema eller noko fagleg på agendaen, så initiativtakarane, Astri Måkestad, Hilde Solli og Lina Storegjerde, ynskjer innspel på tema og aktuelle personar som kan bidra til innhald. Dei peikar vidare på moglege tema:
Annonse
«Kommunikasjon når livet røyner på; Informasjon frå faggrupper; Barn som pårørande; Kreft og humor; Tilbake til arbeidet, eller...»
Pressemeldinga blir avslutta med eit hjartesukk frå den nyoppretta gruppa:
«Det må vera ei målsetjing å få kommuneleiing og politikarar meir i tale. Vi meiner iallfall at 20 prosent kreftsjukepleiar i ein kommune med over 13.000 innbyggjarar og over 900 registrerte kreftramma ikkje er greitt!»
