Brekke skule har fått ny eigar

Kvinnherad kommune har i dag seld gamle Brekke skule på Borgundøy.

I dag 6. juli har Kvinnherad kommune godkjent eit bod på skuleeigedomen. Summen lyder på 30.000 kroner, og bodgjevarane er Siri og Alf-Magne Steinsvik frå Fjelberg. Då eigedomen vart lyst ut i slutten av juni, var prisantydninga 300.000 kroner.

«Gamle Brekke skule er eit eldre bygg. Bygningen blei sist brukt som kommunal barnehage. Brekke skule blei oppført på 1930-talet over tre høgder. I 1962 blei det laga eit påbygg med uvêrskur og bod. I underetasjen blei formingsrommet omgjort til barnehage i 1991», stod det i lysinga.