Brannen sløkt - vegen opna
– Me sendte inn røykdykkarar frå Rosendal Stasjon, og fekk raskt kontroll på brannen inne i venterommet.
Publisert
Sist oppdatert
Det seier vakthavande ved Kvinnherad brann og redning Atle Josdal etter at brannen i terminalbygget var sløkt.
– Me fekk melding om mykje svart røyk som ikkje var broten gjennom, og me måtte ta våre forholdsreglar og tenka gjennom kva me gjord før me gjekk inn i venterommet. Me jobba raskt, og det gjekk kort tid. Vegsperringa vart sett opp, og evakuering vart vurdert. Det gjekk relativt greitt, analyserer Josdal i etterkant.
Annonse
– Så snart me såg me ville få kontroll, så valte me å gjenopna vegen, opplyser Josdal som viste til politiet for å seia noko om kva som er grunnen til brannen.
– Årsak er det for tidleg å seia noko om. Me har folk på staden som gjer undersøkingar no. Meldinga kom inn klokka 13.11. Første bil var på plass raskt, seier politistasjonssjef Sigurd Børve.
