Brann i bubil sløkt
Ein bubil som stod tett mellom to hus, byrja å brenna måndag morgon.
Publisert
Sist oppdatert
Bubilbrannen skjedde i Uskedalen.
– Ein bubil har blitt blåst 4-5 meter av garde og tatt fyr. Det var ingen i bubilen, men bil er tett på to hus, og det er meldt om store flammar. Nødetatane på veg til staden, meldte Tore-André Brakstad ved operasjonssentralen til Vest politidistrikt klokka 06.06 måndag morgon.
Annonse
19 minutt seinare vart det rapportert at brannvesenet var på staden og at brannen var sløkt.
– Ingen personskade og heller ingen skade på bygningar. Politiet på plassen, opplyste Tore-André Brakstad i halv sju-tida.
Kvart over sju avslutta politi og brannvesen staden. Politiet vil oppretta sak. Bilen er heilt utbrent.
