Bortfall av mobilnett skapte potensielle problem for politiet
Sundag var det problem med ekomnettet som gjorde at fleire mobiloperatørar hadde dårleg dekning i Kvinnherad.
Publisert
Sist oppdatert
Også politiet opplevde at det kunne vera problematisk.
– Naudetatane har jo eit naudnett som vi brukar i samtale med kvarandre, men problemet oppstår når folk ikkje kan ringa inn til oss om sakar og ting, seier politistasjonssjef Sigurd Børve.
Annonse
Han fortel at dei hadde problem med telefonen og at folk ikkje kunne nå dei.
– Politiet sin operasjonssentral, Statsforvaltaren og Kvinnherad kommune diskuterte kva som kunne gjerast og sette inn tiltak, fortel Børve.
Likevel var det nærare midnatt at entreprenør fekk til å utbetre feilen på ekomnettet (elektronisk kommunikasjonsnett, journ.mrk).
– Når slikt skjer ser vi kor sårbare vi er. Både telefon til politiet, tryggleiksalarmar hos eldre til heimetenesta og mykje meir vert påverka, seier Børve, og legg til;
Annonse
– Vi må gjera ei vurdering på korleis det kan fiksast raskare og kva ein kan gjera i mellomtida. Vi må bemanna stasjonen og vera synlege på utsida når slikt skjer.
