Bøndene samde med staten
Norges Bondelag og Norsk Bonde- og Småbrukarlag er einige med staten om ein jordbruksavtale for 2025 på over 3 milliardar kroner.
Publisert
Sist oppdatert
Dette melder Norges Bondelag torsdag.
– Eit samla jordbruk har framforhandla ein avtale som gir bonden vesentleg auka inntektsmogelegheiter, seier Bjørn Gimming, jordbrukets forhandlingsleiar og leiar i Norges Bondelag i ei pressemelding.
Annonse
Vidare skriv bondelaget at jordbruket har framforhandla ein forhandlingsgevinst på 395 millionar kroner.
– Avtalen er viktig for at norske bønder framleis skal ha motivasjon til å produsera mat og våge å tru på ei framtid, og ha tryggleik for ein økonomi som betaler rekningane og gir høve til å leva som folk flest, seier Gimming i pressemeldinga.
60.000 kroner pr. årsverk i tetting av gap er mindre enn kravet frå jordbruket.
– Sjølv om gapet framleis ikkje er tetta, er det eit steg i rett retning, kommenterer også Gimming i meldinga.
