Blir fungerande ordførar fram til neste kommunestyremøte
– Eg antar at eg skal vikariera for Hans Inge fram til 28. oktober. Etter det så veit eg ikkje kva som skjer.
Publisert
Sist oppdatert
– Det er mykje som skal takast omsyn til her, og no skal Hans Inge får områ seg litt, seier varaordførar Hilde Enstad (Arbeidarpartiet) til Grenda.
Ho tar følgjene dette får for hennar politiske kvardag med stor ro.
Annonse
– Eg blir fungerande ordførar no, men Hans Inge er ordførar til han ikkje er det lenger. Me har planlagt at viss Hans Inge Myrvold kom inn på Stortinget, så skulle me møtast og ta vegen vidare derifrå. Dermed skal koalisjonen sine leiarar skal møtast når det passar slik, seier ei svært avslappa Hilde Enstad (Arbeidarpartiet) om konsekvensane dette får for varaordføraren.
Ho insisterer på at Myrvold skal få tida som trengs for å finna ut kva som er det beste for han oppi denne situasjonen.
– Eg hadde ein samtale med Hans Inge i går (onsdag), etter at utviklinga byrja å tyda på at Kjersti Toppe var på veg inn i regjeringa. Uansett er denne situasjonen veldig fersk, og ein kan ikkje forventa at alle aspekt ved stortingsplassen for Hans Inge er avklart på så kort tid, seier varaordføraren.
– Det aller viktigaste i dag er at Kvinnherad har fått ein stortingsrepresentant, og der er enormt stort for vårt kommune. Det er noko heilt anna å ha nokon som er herifrå, som me kjenner godt og som kjenner Kvinnherad godt, understrekar Hilde Enstad.
