Bli med på styrketrening

– Bli med på ei styrketreningsøkt heime i di eiga stove, inviterer Frisklivssentralen på Facebook.

Dei byrjar den første treningsøkta klokka 11, ei 40 minuttar lang økt som vert skildra som lett. Denne kan alle vera med på. Dernest kjem det ei litt meir utfordrande økt klokka 13.00, også denne varar i 40 minutt.

– Ha to manualar og ei matte tilgjengelig. Om du ikkje har matte eller vekter kan du nytta to fulle flasker med vatn (0,5 l) og eit teppe i staden for, informerer dei vidare.

Det er laga eigne Facebook-arrangement for begge treningstimane. Der kan ein melde seg på, og ein vil kunne følgje øktene frå si eiga stove.

Styrke på dagsorden

Helsedirektoratet set styrke og styrketrening på dagsorden gjennom ein felles innsats denne veka. Dei siktar mot at merksemda skal bli retta så i lende årleg, og underbyggjer fokuset på følgjande måte:

«Merksemda om styrketrening skal handla om helse og og funksjon, og vise korleis ein kan utføre styrketrening på ein enkel måte på ulike arenaer og synleggjere tilbod rundt om i landet. Det er eit mål å nå dei som treng det mest, og som kanskje ikkje har så gode erfaringar med trening. Potensialet er stort, og gevinsten er størst om vi når dei som i utgangspunktet ikkje trenar styrke eller ikkje trener ofte nok for å få helsegevinst.»