Bli med på forskarkafè
Torsdag 21. september har Folgefonnsenteret invitert doktorgradsstipendiat ved Universitetet i Bergen Kjersti Konstali til å halda føredrag under haustsesongens fyrste forskarkafè.
Konstali forskar på atmosfæriske elvar og korleis dei påverkar oss på Vestlandet, og temaet for føredraget vert «Ekstrem nedbør – den nye normalen?, skriv naturrettleiar for Folgefonnsenteret Sara Nonås Langhelle i ei pressemelding.
Om føredraget seier Konstali fylgjande;
Annonse
«Atmosfæriske elvar, som strekk seg over tusenvis av kilometer og kan krysse hav, har fått mykje merksemd for å vera viktig for ekstremnedbør – frå Vestlandet til California. Men korleis verkar desse atmosfæriske elvane saman med andre vêrsystem? Og kva kjem til å skje med dei i framtida?».
Kafeen vil vera open før føredraget startar.
