BKS fekk ny kontrakt med Hydro Husnes
Hydro Husnes har tildelt BKS kontrakt med verdi på rundt 53 millionar kroner.
Publisert
Sist oppdatert
Arbeidet skal i følgje ei pressemelding frå Eqva, som er eigarselskapet til BKS Industri, vera ferdig i løpet av tredje kvartal i 2025.
– Kontrakten omfattar fase 2 av oppgradering av omnar ved Norsk Hydro sitt aluminiumsverk på Husnes. I fase 2 skal 120 omnar oppgraderast og bli meir energieffektive. BKS har utført tilsvarande arbeid i fase 1, då med oppgradering av 80 omnar i A-hallen, melder Eqva.
Annonse
– Med den planlagde oppgraderinga på Husnes, stadfestar Norsk Hydro sin ambisjon om å vera ein leiande produsent av berekraftig aluminium, samt sin posisjon som industrilokomotiv med vilje og evne til å satsa i Norge. Me er takksame og stolte for den tillita som me er vist oss med å få dette oppdraget, seier dagleg leiar Trygve Kjerpeseth i BKS i pressemeldinga.
BKS har samarbeid med Hydro Husnes i fleire tiår, og Hydro Husnes som hjørnesteinsbedrift bidrar med monaleg aktivitet til leverandørindustrien lokalt.
– Det er fint å få stadfesta nok ein gang at ei lokal bedrift som BKS og våre dyktige medarbeidarar er konkurransedyktige og attraktive, legg Kjerpeseth til i pressemeldinga.
